Cambodia ram ah nu pakhat cun a pasal in an fanu a kaihhrem ih nupa sualnak a hmanpi, tiah a hek ruangah a pasal cu thinheng in an fanute cu a that ih tivapi ah a hlon, tiah theih a si.
Palik pawl ih sim dan vek asile Sahav Mleh timi pa cun a fanu a kaihhrem ih nupa sualnak a hmanpi thu a nupi in in palik hnenah a report.
Curuangah May 27 ahkhan Sahav Mleh cun an fanute cu a thlem ih bike in a phurh hnuah tiva kapah a dinpi. A hngawng ah a thih lai hlanlo a rek ih a thih ngah hnuin dip sungah a ruak a san ih tivapi ah a hlon ta.
Hi misual Sahav Mleh hi nunau kaihhrem thubuai ruangah thawngtla zo khal a si ih thawnginn ihsin a ra suah tikah tuvekin thubuai a nei lala.
A thitu Sarin Sophotra kum 14 nute hi a kaihhremtu Sahav Mleh ih fanu rori a si, tiah palik pawl cun an sim.
Sarin Sophotra ih ruak cu May 29 ah Santuk peng, tivapi ah palik le an sungkhat pawl in an sar. A ruak hi a pa in dip rang sungah a thun ih lilawn ihsin a hlonmi a si.
Tu-ahcun mai’ fanu kaihhremtu Sahav Mleh cu Santuk District palik sakhan ah hreng an sut, tiah theih a si.
Leave a Reply