ALP Central Committee sungtel pakhat a simi U Khaing Mya Tha cu India ram Mizoram le Myanmar ritawknak khua ah AA in November 7 ah an kai. U Khiang Mya Tha hi a nupi neihnak mopuai ah an kaihmi a si, tiah ALP cun thu an suah.
“An neihawknak hmun ah mi 4 an kai, tiah khawmi pawl in in sim. Ziangruang bikah an kai, timi kan thei lo. Rakhine ramkulh hrangah hnatuan ciocio tuvekih kaihawk hi thinlung thentheknak men a si.
A kaitu pawl hi AA ralkap menmen tla an si thei. A hotu lamin suah dingin thupe hai sehla kan duh,” tiah ALP ih tuanvoneitu ဒေါ်စောမြရာဇာလင်း in a sim.
AA le ALP hi an haalaw zet ih kan dungte khalah ALP tuanrel committee sungtel Khaing Paw Lin le a innsang AA in an kaih zo vekin ALP thawn pehtlaihawknak nan nei tiin phungki 4 khal an kai zo fawn.
Arakan Army (AA) hin ALP thawn pehtlaihawknak neitu mi 17 an kai zo ih an zaten an suah hrih lo, tiah ALP cun an thusuahnak ah an tarlang.
Khaing Mya Tha kaih a si thu thawn pehparaw in ALP ih thusuah a dik lo, tiah AA thuphuangtu U Khaing Thu Kha cun a sim.
“An thusuah hi ttansan nei lo a si. Khaing Mya Tha kaih thu ah kannih AA thawn pehparawknak a um lo. Anmah lakah tithiamawk lonak ruangah tla a si thei,” tiah a sim.
Khiang Mya Tha ih nupi sungkhat hi khawsungmi pawl thawn sumpai thu ah ngaihawk lonak an nei ih an kai a si ding, tiah U Khaing Thu Kha cun a sim hrih.
ALP hi SAC ralhrang thawn remdaih tonkhawmnak ah thatho zetih teltu an si ruangah mipi ih soisel an tong zet. Cuvekin AA cun tuni tiang SAC ralhrang an do camcin fawn.
Leave a Reply