Bawhlung sitthiam pawl tuallennak Europe rampi thlahliam in Asia khawmual Saudi Arabia ram, Al-Nassr FC ih lek dingin C. Ronaldo cu a a nufa thawn an vai.
Kum khat ah US Dollar million 200 zikte hlawh dingin Saudi Arabia Club Al-Nassr ah Portugal bawhlung sitthiam C. Ronaldo cu mizan ah Club Jersey thawn bualrawn ah lomluhnak puaipi an tuah. Bualrawn khat rori in mipi an pungkhawm ih an au hluarhlo rero.
C. Ronaldo cun hmeltheihternak a tuah ih anih hi Brazil, Australia, US le Portugal ram ih Club pawl ihsin sawmnak a dong nan, a el thu a sim.
“Ziangkimah hlawhtlinnak ka hmu zo. Europe ram ih Club hminthang zetzet ah ka rak lek zo. Atu cu Asia khawmual ah sawmngiarnak thar ka thok thlang ding,” tiah a sim.
Al-Nassr FC maneger khalah C. Ronaldo an co ngah cu a diriam zet thu a rel ih anih cu zirh hran ciamco a tul lo, Club ah nuam a ti dandan in khawsa men seh, tiah a sim.
Leave a Reply