A umnak Innteknu ekinn ah a kharhkhum ih sumpai tam zet le suitum rusuak in a tlanhlo

A umnak innteknu ekinn sungah a kharkhum hnuah sumpai ting 1750 le suitum pawl rusuak in an hnenum nu a tlansuak, tiah theih a si.

A liam zomi June 6 ahkhan Monywa khawpi sungah hnenum nu cun a innteknu kha ekinn sungah a kharkhum hnuah an tangka ting 1750 le suitum pawl a ru ih a tlanhlo. Hnenum nu cu Kyaukse khawpi ah an kaisal, tiah theih a si.

Monywa khawpi, Yadana Pung veng ih um Daw Khin Htay tei’ hnenum nu cun tangka ting 1750 le Wan Sein tacik suitum 1 le MI phone pakhat a ru ih a tlansuak.

Hnenum nu cu a hmai puan in a khuhaw ih innteknu cu a hmai dip dum in a khuh. Ekinn sungah a kharhkhum hnuah an sumpai le hlawnthil a la ih a tlanhlo cih.

Hi rukru hnenum nu cu Kyaukse peng, Sin Natt khua ah a lakmi thilri thawn June 7 ah kaihsal a si.