A tlangvalpa in nupi a neihsan ruangah an puainak ah feh in ṭhulhsal dingin a va ngen (video)

Zuknung (Film) lawngah tivek kan hmu ṭheu nan, tui’ ta cu a taktak ih thilthleng a si.

Dejected Girlfriend Shouts 'Babu' as Ex-lover Marries Another Woman in MP

Fala pakhat cu a tlangvalpa in nupi dang a neihsan ruangah thinlung kekkuai in mopuainak hmunah a ve feh. Video ih a langdan vek asile mopuai an tuahnak hall kot ah nunau pakhat cu thin le ham khal kaiaw loin a caiciling vutvo.

Hi thil maksak zet hi India ram Madhya Pradesh, Hoshangobad ih thleng a si ih nunautu hi Kanpur ihsin Hoshangobad a ra ih a tlangvalpa in nupi dang a neihsan ti a theih ruangah mopuai an tuahnak hmun a pan cih.

Gate kharmi cu a hnin ciamco ih hlaral ihsin a tlangvalpa cu a nupi neihmi ṭhulhsal dingin a ngen rero. A mitthli le canghnap thawn, thinlung vaivuan zetin a sawltal ih zohman runtu a nei lo. Cu hleiah a kiang umtu pawl cun an kham ih an tlanter lamlam.

Zee News ih a tarlang dan vek asile Kanpur fala hin a tlangvalpa thawn kum thum khengte an thlunawknak a rei zo. An karlakah ṭhenawknak thu rel a um lo nan, rinlopi’n a tlangvalpa in nupi dang a neihsan cu a tuarthiam lo tuk a si. An 2 hin Bhopal Private Firm ah hnatuantlang an si.

India ram ahhin nu le pai’ lungkimnak loin nupi/pasal an nei lemlo.

Be the first to comment

Leave a Reply

Your email address will not be published.


*