A tlangval thawn an tithiam loawk ruangah tursia in in a thataw

Shan ramkulh, Ta’ng (Palaung) umnak Mandong peng, Hodung khua ih fala timi nu cu a tlangval thawn thukam an elawk ruangah December 7 ah TT Wei timi sivai in in a thataw, tiah theih a si.

Tursia sivai a in hnuah Mandong senpi sizung ah fehpi a si nan, zan nazi 6 ah a thi, tiah a ngaizawng tlangval thawn naihniamaw zet, mi pakhat in a rel.

“A inmi tur hi Lipu palang vek a si. TT Wei tiah an ko. Hi sivai ti hi khuai bu simnak ah an hmang theu. Khuai pawl in an hua thei zet.

Anih hi a tlangval thawn thukam an elawk deuh asile ‘ka thataw ding,’tiah tu le tu a hringhro theu. A tlangval cun cuvekih um lo dingah a kham theu. Tuitum cu a kham thei nawn lo,” tiah a tlangval ih rualpa in a sim.

May be an image of 1 person

Lwe Ein Saing hi Hodung khawmi a si ih June thla ihsin Mandong ah in-ei dawr a ra tuah, tiah theih a si.

Be the first to comment

Leave a Reply

Your email address will not be published.


*