Mon ramkulh, ရေး peng, tleirawl pakhat cu a rualnu tei’ nupa in nam in an dawh hnuah a bike an laksak ih hriamhmapi thawn November 6 an sar, tiah theih a si.
November 5 sun ah, ရေး peng, နှစ်ကရင်khua ih kum 16 mi tleirawl nute cu a rualnu in an inn kiangih bualrawn tiang bike ih thlah dingin a sawm. Cutin a rualnu ih sawmnak vekin a bike cun a hei thlah.
နှစ်ကရင် khaw thlanmual an thlen ah tiamaw cia ih rak bawhtu a rualnu ih pasal cun nam in a rak dawt ih a bike le a hna-khaih khatlam an laksak, tiah theih a si.
Cumi hnuah tleirawl nute cu hriamhmapi thawn thlanmual kiang hrambur lakah an hlon ta.
Tleirawl nute cu inn a tlun nawn lo ruangah a innsang lam le tualsung tlawmngai pawl in an hawl ih November 6 ah thlanmual kiang hrambur lakah cun an va sar.
“Kan inn ihsin a rualnu in i rak thlah aw, kan rei lo ding, tiah a sawm. Ra tlun ti a neih lo ruangah kan hawl ih thlanmual kiang, hrambur lakah kan hmu.
A hriamhma hi a roh zet ih a nunnak hrang ngaihtuah a um. A bike le hna-khaih khatlam an laksak,” tiah a innsang ih mi pakhat in a rel.
Tleirawl nute cu namhar le kutthlaknak hriamhma ruangah Mawlamyine senpi sizung ah tuamhlawm rero lai a si.
Leave a Reply