A pasal ricin le tlok-ri-bak ringring tuar nawn loin a sat that

Nupinu pakhat cun a pasal zu ri thei tuk, a ningkhong tukih nam in a sah that, tiah theih a si.

Ayeyarwady ramthen, Lay Myat Nar peng, Shin Kwin khua ih nupinu cun a pasal ricin ringring cu a zu in men lawng si loin a tlok-ri-bak thei tuk ruangah nam in a sah that.

U Thein Zaw timi pa cu hnatuan khal zuam loin zu in na ih a khawsat ringring ruangah a nufa pawl in an tuar zet.

A nupi hi Ma Aye Aye Aung a si ih June 17 ah Ma Aye Aye Aung cun a pasal U Thein Zaw cu zu ri in inn ah a ra tlung ih a tlokciar tuk ruangah nam in a sat that.

A pasal hi zu ri pi in a phunciar lawng si loin nufa parah a tuan. Cuhleiah khengkho hlon khal a hmang, tiah Ma Aye Aye Aung cun a sim.

U Thein Zaw cu zu ri in ihkhun ah a ih laifangah a nupi Ma Aye Aye Aung in nam ih a sat ih vei tam zet a sat tiah theih a si.

Ma Aye Aye Aung cu palik in an kai ih thubuai tuahsak dingah hreng an sut.