A lo duhtu ciocio ah hlapi ta hnakin naite ta hril sawn aw

Milai hin kan palh ṭheumi cu kan kiangnai ah um ih in duhdawttu, in ngaihsak zettu khi rak duhdawt hna thiam loin hlapi ih um riangri khi kan duhdawt in kan ngai ṭheu sawn hi a si.

Kan hnenih um, in duhdawt le in ngaihsaktu kan ngainep ih hlapi ih um in ngaihsak lemlotu riangri kan ngaisang sawn ṭheu hi kan palh tuk rori.

Hivek lungput theitu pawl cu duhdawtnak ah an khungkhai, duhdawtnak zuunkhung pawl an si, tiin kan ruahsak laiah a ngaingate cun hihi duhdawtnak dik a si lo. Hngalnak le puarthaunak men a si sawn.

Ziangahtile mai’ kiang rori ih um, kan ngaizawng lole kopmi ih duhdawtnak hman kan ngai thupi lo a si ahcun ziangtin hlapi ih umtu sawn riangri khi kan duhdawt thiam ding?

Ziangruangah kan kiangnai ih um, kan ngaizawng lole kan kopmi ih duhdawtnak uaphlumnak pawl mak ah kan siar duh lo?

Milai hrimhrim hi olsam tuk ih ngahmi thil ah kan lungawi thei lo ih harsa zetih ngahmi thil lawng kan zuan a si pei maw?

1. Duhdawtnak manmual: Duhdawtnak ih manmual hi a siar thiamtu ih siar dan ah a ṭhumaw.

Harsa zetih na ngahmi khi duhdawtnak mankhung a si cuang lo. Olsam zetih na ngahmi khal a manmual a mal cuang lo.

Na kiangnai ih a lo duhdawttu, duattu le ngaihsaktu tlukih mankhung a um lo, ti kha thei aw.

Hmun hlapi ih um na ngaizawng khin a lo duhnak a uak cuang lo men thei.

Korean handsome guy and Southern European girl are in love and living together in big European city

2. Duhdawtnak na theithiam lo: Duhdawtnak hi ziangteu a si? A manmual, a thuk le sanzia na theithiam lo ruangah na kiangnai ih a lo duhtu khi na ngainep ṭheu.

Na ngainepmi in a lo suahsan tikah duhdawtnak timi sullam na fiang men thei.

Na sirawk hnu cun umzia a nei nawn lo ding. Curuangah na kiangnai ih a um laiah pom mai awla suakter aw hlah.

3. Hngal le puarthau: Sim zo bangin na kiangnai ah a lo duhdawttu, ngaihsaktu an um tikah ziangah na siar duh lo.

Hlapi ah na thinlung a feh sawn. Hlapi ih ta na ngai ih na lung a leng sawn ṭheu.

Hihi duhdawtnak khungkhai tinak a si lo. Hngal le puarthau a si.

Na kiangnai ih a lo duhtu na ngainep ih a duhdawtnak ziangah na siar lo kha na puarthaunak fang a si.

Curuangah na kiangnai ta kha cohlang aw. Hlapi ih ta cu na co ngah ding le ding lo hman na theih lo kha!

 

 

 

 

 

Be the first to comment

Leave a Reply

Your email address will not be published.


*