A fala in pasal a neihsan ih mopuai ah feh in a va ṭap, monu khal tuaraw loin a rak ṭap ve

Kum 7 lai duhdawtaw zet ih rak thlunaw rero fala le tlangval lakah ṭhenawknak a suak ih tlangval cu lungkuai in a ṭap.

Hi thilthlennak hmun hi Indonesia ram ah a si. Aswar Anas timi pa le Asni timi nu cu kum 7 lai an duhdawtawknak a rei zo.

Huatawknak le tithiamawk lonak um lo riai in Asni cun pasal dang a neihsan. A pasal neihmi hi Riswan timi pa a si.

Cutikah a tlangval Aswar Anas cu a fala in pasal dang a neihsan ruangah a tuaraw thei lo ih mopuainak hmun ah feh in a fala cu midang thawn an rak neihawk a va hmuh tikah lungkuai in a va ṭap ciamco.

Monu le mopa an ihnak hmun ah a va lut ih a va ṭap. Neiaw tei’ sungkhat cun lengah an hruai ih an hnem rero.

Monu khal a tlangval ra in a ra ṭahhnawh ruangah a tuaraw ve lo ih a rak ṭahpi ve.

Hiti an buainak san bik hi sakhua biaknak bangawk lo ruangah a si, tiah mi pakhat cun a rel.

Asinan fala Asni ih simfiang dan ahcun a tlangval Aswar Anas hin kum 7 lai an thlunawk hnu khalah a nu le pa hnenah ra in neihawk a dil lo ruangah a si, tiah a sim.

Aswar Anas cu a fala tei’ neihawknak puai ah va feh in a va ṭah ciamconak video post a si ih zangfahtu a ngah zet.

(Hi thil hi 2021 ih thilthleng a si).