A fala in, ‘kan ṭhenaw men pei’ a ti ruangah nam in a dawh that, amah khal a dawtaw cih

Fala/tlangval ngaizawngaw lakah buainak a suak ih tlangval in a fala cu nam in vei sawmsahra lai a dawh hnuah amah khal a dawtaw ciamco, tiah theih a si.

News | Page 7 | The Lutheran World Federation

Hkapan ah fala/tlangval ngaizawngaw cu tithiamawk lonak an nei ih fala sawn in, ‘kan ṭhenaw (piataw) men ding,’ tiah ṭhenzai a rel ruangah tlangval cu lungawi loin nam a phorh.

Nam cun a fala cu vei tam zet a dawt ih amah le mah khal a dawtaw ve. Hi thil hi June 12 ih thilthleng a si.

Thilthlen dan kimcang cu Hpakan khawpi, Myoma veng ih hnipuan ṭhitnak ih hnaṭuan Ma Mae Thu timi nu le Shan Lay timi pa cu an ngaizawngaw. Hi ni ah an karlak thikthusiatnak ruangah thukam elawknak a suak ih Ma Mae Thu cun, “Cuti asile kan ṭhenaw men pei,” tiah a ti.

A fala in ṭhenzai a rel ruangah Shan Lay cu a thinheng tuk ih nam in a fala cu vei sawmsahra lai a dawt. Cumi hnuah amah le amah khal a dawtaw ve.

Namhar tuar Ma Mae Thu cu sizung ah fehpi a si hnuah a thi, tiah theih a si.

Nam ih dawttu le amah le mah khal dawtawtu Shan Lay khal sizung ah tuamhlawm rero lai a si.

May be an image of 1 person

Buai hramthoknak hmunah palik pawl an thleng cih ih thubuai an tawlrel rero, tiah an sim.

Be the first to comment

Leave a Reply

Your email address will not be published.


*