Russia ramsung thlanglam, Dagestan ah hmin tarlang lomi nunau pakhat cun a fate a zohkhen paih nawn lo thu a rualnu hnenah a rel, tiah theih a si.
Thilthlen dan cu April 25 ahkhan nunau pakhat cun Caspian City Central Hospital ah naute a nei ih April 30 ah a fate ni 5 lawngih upa cu nupa tuak khat hnenah a zuar, tiah sihni pawl in an sim.
A fate leisaktute hi fate nei theih lo an si ruangah fate zuartu ih rualnu in a simsawng ih cutin naute leiaw an si.
Kum 33 mi nunau cun a fate cu Russia tangka Ruble 200,000 (£2881.95) in a zuar ih sumpai 10% lawng la in a dang cu lehhnuah peaw dingin an leiaw fel.
A fate hi sizung ih tuamhlawm tul lai a si ruangah sizung ah an tuamhlawh hrih.
Asinan hi nu hi a fate leitu nupa tuak hnen ihsin sumpai a ngah kim hlanah milai zuarawknak dokhamtu pawl ih hmalaknak ruangah palik pawl in an kai, tiah theih a si.
Kaspiysk khawpi ih nunau kum 33 mi cu a fate zuar thubuai ohter a si.
Lehhnu ih palik pawl in an theih bet vivonak ahcun mai fate rori hman duhdawt thei loih zuartu hin a sumpai ngah hmaisami in a hnar plastic surgery tuahnak ah a hmang, tiah theih a si.
Leave a Reply