Khawte pawl nawkkang ih an kir lamah SAC ralhrang rual cu PDF in an rak kap ih ralhrang 30 leng an thih hleiah ralthuam le an thil rukmi pawl an lonsak thu Bago PDF in thu an than.
Bago ramthen, Taungo District PDF Battalion (3501) le tangrual pawl cun February 16, zinglam nazi 9 ihsin sun hnu her nazi 1 tiang, ရေတာရှည် peng, ဇရစ်ရိုးကုန်း le ပိန်းသီလာ khua nawkkangtu SAC ralhrang rual an kap ih ralhrang 30 leng an thih hleiah hriamhma tam zet an ngah, tiah Bago PDF in an sim.
Doawknak ih thi ralhruang ruak lawng si loin ralthuam le mipi hnen ihsin an rukmi hlawnthil thenkhat pawl PDF in an lonsaksal, tiah theih a si.
Ralthuam an laksakmi pawl cu MA3 meithal 4, MA11 meithal 2, MA2 meithal 1, ziandawng 18, cerek 520, 60mm bomb 2 le lamcaw tam zet an si.
Cu hleiah mipi hnen ihsin an rukmi sui faute kual 2, suitthi 1, zunghruk le phone 3 an lonsaksal.
Hlawnthil pawl cu a neitu hnenah a thlen theinak dingah Bago PDF in an tawlrel rero lai thu an sim fawn.
Leave a Reply